انتظارِ عشق

عشق کے مراحل سے اتصال باقی ہے

گو کہ سانس آتا ہے پر کمال باقی ہے

سوچتی ہوں میں اکثر آپکی زیارت ہو

خواب وہ نہیں آیا وہ خیال باقی ہے

پانی ہی نکلتا ہے کب لہو نے بہنا ہے

مولا جو نہیں دکھتے اورِ وصال باقی ہے

بعدِ موسمِ پت جھڑ یہ جو گل مہکتے ہیں

مہدیِ حسنؑ تیرا جو جمال باقی ہے

دینِ حق کے پیروکار کس لیے ہو گھبراتے

دین ہو گا حاوی اس کا کمال باقی ہے

ظالموں نے دیکھو یاں کیا کیا ستم ڈھائے

عسکریؑ تو زندہ ہیں ان کی آل باقی ہے

ان کے قدموں میں گر کر خوب روئے گی زہرا

اذن دیجیے مولاؑ اک سوال باقی ہے

التماسِ دعا: زہرا کاظمی

بحضور قائمؑ آلِ محمد

آفت کی گھڑی میں بس قائمؑ کو پکارا ہے

مشکل کشا کا بیٹا مشکل میں سہارا ہے

دریا میں تلاطم ہے امداد کو اب آئو

کب تیرے بنا مولاؑ کشتی کو کنارا ہے

حیدرؑ کا پسر ہے وہ تیار رہے ظالم

ہر دور کے حیدرؑ نے مرحب تجھے مارا ہے

حق آتا ہے باطل کو ہر جا سے مٹانے کو

غیبت میں ہدایت نے لاکھوں کو سنوارا ہے

سرکارؑ کٰی آمد پے ہو گا سماں کچھ ایسا

باغِ جناں میں جیسے ہر شے کو نکھارا ہے

ہر لمحہ مجھے ہو گی قائمؑ کی زیارت جو

اس لمحے میں زندہ ہوں کیا خوب نظارہ ہے

محنت سے ریاضت سے ہوتی ہے کہاں حاصل

روحوں پہ محبت کو اللہ نے اتارا ہے

نصرت کی جو ہے خواہش یہ جذبہ رہے دل میں

کچھ میرا نہیں مولا ؑسب کچھ ہی تمھارا ہے

یہ صدقہِ قائمؑ ہے جو چلتی ہیں یہ سانسیں

کب انکے بنا لوگو! زہرا کا گزارا ہے

التماسِ دعا: زہرا کاظمی