ہدیہ بحضور مشکل کشائے دوراں

رستے پہ جانے کب سے نظر ہے جمی ہوئی

چومے قدم امامؑ کے یوں ہے بچھی ہوئی

کیسے وجود پردہ غیبت ہو آشکار

ذہنوں پہ ہے غبار کی چلمن پڑی ہوئی

انکو سنائوں کیا میں مصائب کی داستاں

ہر آن کی خبر ہے انھیں جب ملی ہوئی

سردار جناں ساقی کوثر ہیں وہ مگر

نان جویں غذا ہے تو جوتی پھٹی ہوئی

آ جائیں تو راوں ہو رگ جاں میں زندگی

ہجر امام یعنی کہ دھڑکن رکی ہوئی

بعد ظہور نور امامت ہر اک زمیں 

کرنوں سے آسماں تلک ہے جڑی ہوئی

منظر کا حسن آنکھ سے دل میں اتر گیا

مولاؑ کے احترام میں ہر شے جھکی ہوئی

مایوسیوں کا اثر بھلا پھر کہاں پہ ہو

یاد امام دل سے اگر ہو لگی ہوئی

زہرا جو دل تیرا ہے حضور امام میں

خوشبو تیرے کلام میں یوں ہے بسی ہوئی